للشقق الصغيرة - حجرات سفرة صغيرة وفخمة؟ -
صفحة 1 من اصل 1
للشقق الصغيرة - حجرات سفرة صغيرة وفخمة؟ -
aboelnil الأربعاء يوليو 30, 2008 5:48 pm
كثيرا ما نتمسك بشكليات بحكم العادة وبحكم التظاهر وتكون هذه العادات سببا مباشرا فى عدم إحساسنا بالراحة فى بيوتنا .. فنشترى الأثاث كبير الحجم ، كثير القطع ، غالى الثمن مما يشكل عبء على جيوبنا وعلى مساحات بيوتنا أيضا.
وبما أننا شعب يتميز بالكرم فحجرة السفرة هى حجرة مهمة ولابد أن تكون جميلة وفخمة .. فنشترى المائدة الكبيرة وطبعا لازم النيش لزوم عرض أو بمعنى أصح إستعراض الصينى والكريستالات اللى إستلفوا أهالينا علشان يملوا بيها النيش وطبعا البوفيه اللى برضه حنملاه .. أمال!!! هى فى سفرة من غير بوفيه ؟!... وبعد كده لما نشوف ديكورات جميلة نقول ربنا يوعدنا بس نعمل إيه المساحة ضيقة ..
لأ المسألة محتاجة مننا شوية شجاعة فى أننا نغير بعض المفاهيم والشكليات الموروثة ونحط فى بيتنا اللى إحنا بجد محتاجينه واللى يريح عيوننا وجيوبنا كمان...
فى الموضوع ده حبيت أعرض أفكار لحجرات جميلة ولا تحتاج لمساحة ومع ذلك فهى فخمة .
فى الحجرة دى تم إستخدام طاولة قابلة للتكبير وكراسى فى منتهى البساطة وبوفيه صغير على قد الأطباق , والعناصر التى إعتمدوا عليها لإضفاء الفخامه هى :1- كسوالحائط بورق حائط ذو لون ملائم وتجليد النصف الأسفل منه بالخشب ومن الممكن الإستغناء عن الخشب وسيظل الشكل جميل.
2- إستخدام سجادة تتلائم مع ألوان الحجرة.
3- الأباجورات أضفت الأناقة على البوفيه رغم صغر حجمه مع ملاحظة أنها ليست غالية الثمن
4- وحدة إضاءة تتناسب مع طابع الغرفة والأباجورات
5- تابلوه جميل بنفس باليتة الألوان المستخدمه.
هنا إستخدموا النيش حبيب المصريين _ ولكن إستخدموا نيش صغير يؤدى الغرض وإستعاضوا عن البوفيه بكونسول أضفى شياكة على الغرفة .. ويلاحظ أنهم لم يضعوا 10 كراسى حول السفرة وإنما إكتفوا بـ4 وهم عدد الأشخاص اللى بيستخدموا هذه الحجرة .. وجعلوا من الكرسيين الأخرين قطع موبيليا جميلة توضع فى كورنر من الغرفة
عناصر الفخامة : - لون الحائط
- الستائر الفخمة
- التابلوهات على جانبى النيش
- الورود على الطاولة
- الإضاءة المناسبة
غرفة طعام ستايل فرنسى ولا تحتاج لمساحة عبارة عن بوفيه صغير جدا وطاولة صغيرة.
عناصر الجمال : - أعمال الخشب فى السقف
- ورق حائط ستايل فرنسى يلائم جو الغرفة
- أستعاض عن بساطة الستائر بالتحف على البوفيه
- إختيارالكراسى ذات طابع فرنسى أنيق
- النجفة المناسبة للطابع الفرنسى بالغرفة
الستايل الريفى يتسم بالحميمية والبساطة ولا يتطلب الكثير لإظهار جماله فنيش بسيط جدا مع منضدة وكراسى فى منتهى البساطة يحققوا المطلوب ولكن اهم شئ هوحسن إختيار العناصر الجمالية الملائمة لهذا الستايل
عناصر الجمال :
ترابيزة رخيصة جدا تغطى بمفارش أنيقة وعليها بعض الأكسسوارات
الستائر ذات الطابع الريفى
الأباجورات على جانبى النيش توفر إضاء جميلة ليلا بجانب النجفه كما أنها عنصر جمالى فى حد ذاته
طبعا حجرة فخمة جدا ولكن إذا أمعننا النظر لن نجد تقريبا أثاث فى الغرفة إلا طاولة الطعام والكراسى وكونسول.
عناصر الجمال : - تنجيد الكراسى بقماش فخم
- تجليد الحائط بورق وخشب بنفس ألوان الكراسى
- تزيين المائدة ببوكيه ورد كبير بنفس ألوان ورق الحائط و ألوان شابوهات النجفه وبجانبيه شمعدانت مناسبة
- الشئ الوحيد المشغول بالغرفه هو الكونسول
سفره صغيرة وبوفيه لعبة هو كل مكونات هذه الغرفة وهى تشغل ركنا ضيقا بهذا المنزل
عناصر الجمال : - الكراسى المستخدمة تم طلائها بشكل يوحى بأنها قطعة أنتيك وبلون مخالف للون خشب السفرة والبوفيه ما كسر الرتابة
- مرة أخرى إستخدام ورق الحائط مع التجليد بالخشب
- إستعاض عن فقر الأثاث بالحجرة بوحدات الإضائة الفخمة بالسقف وعلى جانبى البوفيه
- إستخدام المرأة فوق البوفيه أعطى إيحاء بالإتساع وأضاف بروازها الذهبى شئ من الفخامة على الحجرة
- الإكسسوارات والتحف الملائمة على البوفيه والتابلوه الزيتى أكملوا الصورة
وبما أننا شعب يتميز بالكرم فحجرة السفرة هى حجرة مهمة ولابد أن تكون جميلة وفخمة .. فنشترى المائدة الكبيرة وطبعا لازم النيش لزوم عرض أو بمعنى أصح إستعراض الصينى والكريستالات اللى إستلفوا أهالينا علشان يملوا بيها النيش وطبعا البوفيه اللى برضه حنملاه .. أمال!!! هى فى سفرة من غير بوفيه ؟!... وبعد كده لما نشوف ديكورات جميلة نقول ربنا يوعدنا بس نعمل إيه المساحة ضيقة ..
لأ المسألة محتاجة مننا شوية شجاعة فى أننا نغير بعض المفاهيم والشكليات الموروثة ونحط فى بيتنا اللى إحنا بجد محتاجينه واللى يريح عيوننا وجيوبنا كمان...
فى الموضوع ده حبيت أعرض أفكار لحجرات جميلة ولا تحتاج لمساحة ومع ذلك فهى فخمة .
فى الحجرة دى تم إستخدام طاولة قابلة للتكبير وكراسى فى منتهى البساطة وبوفيه صغير على قد الأطباق , والعناصر التى إعتمدوا عليها لإضفاء الفخامه هى :1- كسوالحائط بورق حائط ذو لون ملائم وتجليد النصف الأسفل منه بالخشب ومن الممكن الإستغناء عن الخشب وسيظل الشكل جميل.
2- إستخدام سجادة تتلائم مع ألوان الحجرة.
3- الأباجورات أضفت الأناقة على البوفيه رغم صغر حجمه مع ملاحظة أنها ليست غالية الثمن
4- وحدة إضاءة تتناسب مع طابع الغرفة والأباجورات
5- تابلوه جميل بنفس باليتة الألوان المستخدمه.
هنا إستخدموا النيش حبيب المصريين _ ولكن إستخدموا نيش صغير يؤدى الغرض وإستعاضوا عن البوفيه بكونسول أضفى شياكة على الغرفة .. ويلاحظ أنهم لم يضعوا 10 كراسى حول السفرة وإنما إكتفوا بـ4 وهم عدد الأشخاص اللى بيستخدموا هذه الحجرة .. وجعلوا من الكرسيين الأخرين قطع موبيليا جميلة توضع فى كورنر من الغرفة
عناصر الفخامة : - لون الحائط
- الستائر الفخمة
- التابلوهات على جانبى النيش
- الورود على الطاولة
- الإضاءة المناسبة
غرفة طعام ستايل فرنسى ولا تحتاج لمساحة عبارة عن بوفيه صغير جدا وطاولة صغيرة.
عناصر الجمال : - أعمال الخشب فى السقف
- ورق حائط ستايل فرنسى يلائم جو الغرفة
- أستعاض عن بساطة الستائر بالتحف على البوفيه
- إختيارالكراسى ذات طابع فرنسى أنيق
- النجفة المناسبة للطابع الفرنسى بالغرفة
الستايل الريفى يتسم بالحميمية والبساطة ولا يتطلب الكثير لإظهار جماله فنيش بسيط جدا مع منضدة وكراسى فى منتهى البساطة يحققوا المطلوب ولكن اهم شئ هوحسن إختيار العناصر الجمالية الملائمة لهذا الستايل
عناصر الجمال :
ترابيزة رخيصة جدا تغطى بمفارش أنيقة وعليها بعض الأكسسوارات
الستائر ذات الطابع الريفى
الأباجورات على جانبى النيش توفر إضاء جميلة ليلا بجانب النجفه كما أنها عنصر جمالى فى حد ذاته
طبعا حجرة فخمة جدا ولكن إذا أمعننا النظر لن نجد تقريبا أثاث فى الغرفة إلا طاولة الطعام والكراسى وكونسول.
عناصر الجمال : - تنجيد الكراسى بقماش فخم
- تجليد الحائط بورق وخشب بنفس ألوان الكراسى
- تزيين المائدة ببوكيه ورد كبير بنفس ألوان ورق الحائط و ألوان شابوهات النجفه وبجانبيه شمعدانت مناسبة
- الشئ الوحيد المشغول بالغرفه هو الكونسول
عناصر الجمال : - الكراسى المستخدمة تم طلائها بشكل يوحى بأنها قطعة أنتيك وبلون مخالف للون خشب السفرة والبوفيه ما كسر الرتابة
- مرة أخرى إستخدام ورق الحائط مع التجليد بالخشب
- إستعاض عن فقر الأثاث بالحجرة بوحدات الإضائة الفخمة بالسقف وعلى جانبى البوفيه
- إستخدام المرأة فوق البوفيه أعطى إيحاء بالإتساع وأضاف بروازها الذهبى شئ من الفخامة على الحجرة
- الإكسسوارات والتحف الملائمة على البوفيه والتابلوه الزيتى أكملوا الصورة
aboelnil- Admin
- المساهمات : 229
تاريخ التسجيل : 04/12/2007 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى